الجمعة - 29 مارس 2024
الجمعة - 29 مارس 2024

بعد مشهد الفيضان.. إشادة بـ«كادرات» تصوير مسلسل «موسى»

أشاد نقاد وكتّاب وعدد من رواد مواقع التواصل الاجتماعي بـ«كادرات» تصوير مسلسل موسى لمحمد رمضان، والمعروض حالياً في السباق الدرامي الرمضاني، خصوصاً في مشهد «الفيضان»، واصفين «كادرات» التصوير باللوحات المرسومة وليست مشاهد تمثيلية فحسب، مشيدين باحترافية مدير التصوير محمد مختار.

وقال الناقد الفني محمد سيد عبدالرحيم إن مدير التصوير محمد مختار ليس له منافس في رمضان هذا العام، وأن صناعة الدراما تشهد طفرة وقفزة كبيرة، ومن الواضح أن مدير تصوير مسلسل موسى سيكون من أهم مديري التصوير في تاريخ مصر.

وأضاف في «تدوينة» على صفحته بـ«فيسبوك»: «الموضوع مش بس صورة جميلة لأن الصورة الجميلة فقط مش تصوير مسلسلات أو سينما لكن هو قادر أنه يوظف الصورة دي بشكل لافت، وأنه يحافظ على الطابع المحلي والبيئي لصورة وأجواء المسلسل».

وأضاف: «مش بس صورة لأن الصورة فقط اسمها فوتوغرافياً مش سينماتوغرافياً لكن كمان حركة الكاميرا واختيار زوايا التصوير وأحجام اللقطات وذكائه، وده بيبقى بالاتفاق مع المخرج طبعاً - في الكاميرا تتحط فين وتتحرك مع الممثلين ومع تطور المشهد إزاي كل ده بيقول إننا قدام مدير تصوير مذاكر كويس المسلسل اللي بيعمله وفاهم هو بيعمل إيه».

مدير التصوير محمد مختار ملوش منافس في رمضان السنة دي. احنا بنشهد تطور وقفزة كبيرة في مسيرة مدير تصوير واضح أنه هيبقى...

Posted by Mohamed Sayed AbdelRehim on Monday, April 19, 2021

أما الناقدة الفنية ماجدة خير الله فأشادت بمشهد الفيضان في المسلسل، وقالت «مشهد الطوفان في مسلسل موسي، برافو محمد سلامة».

مشهد الطوفان في مسلسل موسي ،برافو محمد سلامه

Posted by Magda Adel Khiralla on Monday, April 19, 2021

أما مخرج العمل محمد سلامة فقد أشاد بأداء مساعدي الإخراج والتصوير، وكتب عبر حسابه بـ«فيسبوك» أن مشهد الفيضان صناعة مصرية 100%.

الفيضان بالكامل #صنع_فى_مصر صناعة مصرية 100% كل المشاركين فيه مصرين

Posted by Mohamed Salama on Tuesday, April 20, 2021

وقال مخرج مسلسل موسى: «الصراحة في نجوم كتير ورا الفيضان ده وتنفيذه من حقهم الناس تعرفهم و"يتسقف"، لهم اشتغلوا في ظروف صعبة جداً علشان ينفذوا المشهد ده.. المشهد ده اتصور في الشتاء في درجه حرارة 5 السادة العاملين وراء الكاميرا والممثلين الثانويين الحقيقة كل الناس عملت مجهود جبار».

الصراحة في نجوم كتير ورا الفيضان ده وتنفيذه من حقهم الناس تعرفهم ويتصقف لهم اشتغلوا في ظروف صعبة جدا علشان ينفذوا المشهد...

Posted by Mohamed Salama on Monday, April 19, 2021

أما الكاتب المصري أيمن نور الدين فأشاد بصناع المسلسل ووصفه بالعظمة، وقال: "رغم أننا ماشفناش غير 7 حلقات منه بس.. لكن أيه ياعم مسلسل موسى ده..أول مرة أشوف مشاهد فيضان ولا سيول في مسلسل مصري أصلاً.. ومعمول بالشكل ده".

"ده مسلسل ده ولا سيمااا؟.. مسلسل متعوب عليه بجد.. من كافة النواحي".. المخرج محمد سلامة ومدير التصوير محمد مختار عاملين شغل عالمي ومهندس الديكور خالد أمين.. وتامر كروان عامل شوية مزيكا.. من اللي وصى عليها لقمان».

فيضان #موسى يغرق القرية الظالم أهلها #ايمن_نورالدين رغم اننا ماشفناش غير 7 حلقات منه بس .. لكن ايه ياعم مسلسل...

Posted by Ayman Nour El Din on Monday, April 19, 2021

وقال رواد التواصل الاجتماعي إن مسلسل موسى بـ«كادرات» تصويره يؤكد أن الدراما المصرية في طريقها لمنافسة «هوليود».

ليست هوليوود المسلسل المصري "#موسى" بطولة: محمد رمضان Mohamed Ramadan تأليف: ناصر عبد الرحمن ديكور: خالد أمين مدير...

Posted by Moetaz Elshafey on Friday, April 16, 2021

وأشاد آخرون باختيار «كادرات» وزوايا التصوير واختيار التوقيتات المناسبة، والتي تدل من وجهة نظرهم على أن مدير التصوير محمد مختار وضع رؤيته بكل احتراف في هذه المشاهد.

مدير التصوير هو عنصر النجاح الاول في اي عمل ادرامي او سينمائي متى سنشاهد مثل هذا اللقطات في المسلسلات والاعمال...

Posted by Mootaz Sami on Monday, April 19, 2021