وجه المخرج المصري محمد سامي رسالة إلى زوجته الفنانة مي عمر، بعد النجاح الكبير الذي حققه مسلسلها الأخير «لؤلؤ»، والذي تولى الإشراف على إنتاجه وإخراجه، وهو ما تسبب في توجيه العديد من الانتقادات لهما.
ورد سامي على الانتقادات التي وجهت لزوجته من خلال منشور عبر إنستغرام، وكتب فيه: «دي صورة ليا أنا ومي من 11 سنة، كنا بنفكر في أحلامنا ومستقبلنا وبنتمنى حاجات كتير ربنا إدانا أكتر منها كمان، عشان حاجة مهمة بعد كرمه وعطائه، عشان بجد بنحب بعض وبنساعد بعض طول الوقت في تحقيق أحلامنا».
وأضاف سامي: «بيتهيألي إني صعب كنت أنجح في شغلي من غير دعم ومساندة مي ليا طول الوقت، الدعم ده حاجات كتير قوي محتاجه مليون بوست عشان تتكتب كلها».
وتابع: «النهارده أنا وهي بنحتفل بنجاحها اللي تعبت فيه واشتغلت عشانه كتير ووفقت بصعوبة بين بيتها اللي مخلياه جنة ليا أنا وبناتي وبين أهلها وحياتها وشغلها وفي الآخر نجحت نجاح كبير يفرح بيها كل محب ويثير غيرة وحقد الكارهين».
واختتم: «مبروك حبيبتي وبنتي ومراتي الغالية، ودايماً ناجحة ومتفوقة، وتحية لكل ست ناجحة عارفه توصل لنجاحها رغم واجباتها تجاه أسرتها».
