نشر الداعية المصري مصطفى حسني رسالة شكر وتقدير لصديقه المطرب تامر حسني عبر صفحته على فيس بوك: «أنا حابب أشكرك يا تامر يا صاحبي على أغنية تتر برنامج (الثمن).. صوتك العذب وأداءك الصادق.. نعمة كبيرة عليك من ربنا».
وتابع: «اللي أثَّر فيَّ يا صاحبي الغالي تواضعك واهتمامك وإقبالك على التعاون علشان نقدم محتوى فيه قيمة مُضافة للعقول والقلوب والأرواح.. تِسلم وتعيش يا صديقي».
بدوره، رد تامر حسني في تعليق على المنشور الخاص بمصطفي حسني، قائلاً: «يا مصطفى يا حبيبي أنا أخدمك بعنيا وأنا وصوتي تحت أمرك في أي وقت.. أنا اللي بشكرك من كل قلبي عشان سمحتلي أكون جزء بسيط من الخير والعلم اللي بتعلمه للناس ولكل أولادنا».
وأضاف: «ربنا يقدرك ويستخدمك دايماً في توحيد الناس بمختلف أفكارهم.. وكل سنة وكل يوم تكون سبب في هداية ناس أكتر، سلام كبير جداً لمتابعيك الكرام».