وجَّه الفنان أحمد العوضي، رسالة إلى زوجته الفنانة ياسمين عبدالعزيز، عبر صفحته الرسمية على «فيسبوك»، حيث أعرب عن ضعفه بسبب دخولها المستشفى، متمنياً لها الشفاء العاجل، بعد خضوعها لعملية جراحية لم يكشف عنها.
وقال العوضي، على «فيسبوك»: «يمكن ببان قدامكم دايماً قوي.. لكن الحقيقة أنا دلوقتي أضعف إنسان على وجه الأرض عشان أنا روحي مش معايا.. أنا ضعيف جداً من غيرك.. أنت لازم تبقي كويسة وتقومي بالسلامة.. أنا لأول مرة أكتب من غير ما أكون مفكر أنا بكتب إيه وهكتب إيه.. بس أنت هتقومي إن شاء الله بإذن الله عشان أنتي وعداني وعد وهتنفذيه».
أضاف: «عاوزك تبقي كويسة وتقومي عشان أقولك إني لو كنت ببينلك إني بحبك مرة في الحقيقة واللي جوايا إني بحبك ألف مرة.. وأنا دلوقتي مش قوي زي ما أنت بتشوفيني، أنا ضعيف جداً.. لحد ما تقوميلي تاني عشان زي ما أنت بتاخدي قوتك مني أنا كمان باخد قوتي منك».
وأعرب العوضي عن حبه الشديد للفنانة ياسمين عبدالعزيز، مطالباً جمهوره بالدعاء لها: «بحبك أكتر بكتير من كل الكلام اللي أنا كتبته.. أكتر بكتير من كل اللي عدينا بيه مع بعض من أيام حلوة ومواقف صعبة مرت علينا.. أكتر بكتير حتى من الموقف اللي إحنا فيه دلوقتي.. أنا بحبك.. ادعولها تقوم بالسلامة زي ما أنتوا دايماً بتدعولها بالنجاح والتوفيق.. هي دلوقتي محتاجة دعواتكم».
كان الفنان أحمد العوضي طلب من جمهوره، مساء امس السبت، الدعاء لزوجته النجمة ياسمين عبد العزيز، وكتب عبر «فيسبوك»: «الرجاء الدعاء بظهر الغيب لزوجتي وحبيبتي ياسمين.. هي في العمليات ومحتاجة دعواتكم.. اللهم إنك أنت الشافي المعافي بقدرتك على كل شيء.. اللهم ارفع عنها البلاء والوباء واشفها وعافها».
