الاثنين - 21 أكتوبر 2019
الاثنين - 21 أكتوبر 2019
هنا الزاهد تنعى طلعت زكريا بكلمات مؤثرة
هنا الزاهد تنعى طلعت زكريا بكلمات مؤثرة

هنا الزاهد تنعى طلعت زكريا بكلمات مؤثرة

توجهت الفنانة هنا الزاهد إلى زوج والدتها الفنان الراحل طلعت زكريا صباح اليوم برسالة عبر حسابها على إنستغرام، مستعرضة صورة تجمعهما خلال عقد قرانها مشيرة إلى أنها تتأمل الصورة منذ وقت طويل، موجهة له كلمات مؤثرة تقول فيها: "دي آخر صورة اتصورتها في كتب كتابي مع ابويا و حبيبي و سندي اللي كبرت معاه سنين. انا فتحة الصورة دي من بدري و عايزة اقولك انك ربنا هيدخلك الجنة يا اطيب خلق الله انت ربيت ٣ بنات و كأنك ابوهم و اكتر. انا عايزة اقولك اني معرفتش كلمة بابا غير و انا معاك. عمري مقولت اصلا تقريبا بابا غير ليك. كنت بجري عليك اول معمل حاجة غلط عشان تدافع عني قدام ماما. فكرة اول بيض اوملين و قولتلي اعملي مطعم "بالهنا و الشفاه" و اديتني ١٠٠ جنيه عشان تشجعني اطبخ. كنت دايما تقولي انت هتبقى حاجة كبيرة وكنت بتشجعني. كنت فخور بيا لما اتخرجت و عيط اليوم ده. انا عمري محسيت انك مش ابويا اللي مخلفني. انا مش مصدقة اني مش هشوفك تاني و اقولك زازي يا زازي.. نفسي ترجع و اقولك قد ايه احنا بنحبك كلنا و اقولك انك اعظم ممثل. انا بحبك اوي و مكنتش اعرف اني بحبك اوي كده. هتوحشني يا احن انسان عرفته في حياتي. ارجو الدعاء"

وتفاعل متابعو هنا الزاهد مع رسالتها المؤثرة داعين له بالرحمة والمغفرة ومؤكدين أن وفاته أثرت فيهم بقوة وأحزنتهم

يذكر أن الفنان طلعت زكريا تزوج السيدة شيرين المنزلاوي والدة الفنانة هنا الزاهد من دون علم زوجته الأولى، والتي علمت بخبر زواجه منها خلال مرضه عام 2007 إلا أنها امتنعت عن إبداء رد فعل قوي منها مراعاة لظروفه الصحية وقد أشاد زكريا بموقفها وتوجه لها بالعرفان في أحد اللقاءات الفنية.
#بلا_حدود