نجوم لبنان يحيون الذكرى الأولى لانفجار مرفأ بيروت: صار المنظر جرحاً ولن ننسى

في الرابع من أغسطس 2020، شهد لبنان أسوأ كارثة في العصر الحديث، وهي انفجار مرفأ بيروت، بسبب تخزين كميات هائلة من نيترات الأمونيوم، ما أسفر عن انفجار ضخم خلف عشرات القتلى والمصابين.

وأحيا نجوم الفن اللبنانيون الذكرى الأولى لانفجار مرفأ بيروت، وأعادت الممثلة اللبنانية نادين نسيب نجيم، ذكرى اللحظات التي تضرر فيها منزلها جراء الانفجار، وشاركت صورة عبر صفحتها الخاصة على موقع التواصل الاجتماعي «إنستغرام» لغرفتها التي تضررت.

وعلقت نادين على الصورة قائلة: «بذكرى 4 أغسطس ما راح ننسى أبداً الجريمة الإنسانية يلي صارت بحق الشعب اللبناني هيدي مش حرب هيدا كان نهار طبيعي مثل كل أيام السنة والناس قاعدة ببيوتها بأمان مرتاحة.. فجأة بلحظة وبغفلة عين فجّرونا! ليش؟ كلنا منعرف الجواب».

وتابعت: «الله أكبر منكم والله مع كل إنسان اتضرر جسدياً ومعنوياً ومادياً الله يرحم الضحايا ويصبّر أهلهم، الحجر بيتعوض بس الإنسان ما بيتعوّض ما في شي راح يعوّضنا غير عدالة السما».

فيما نشرت الفنانة هيفا وهبي، صورة على «إنستغرام» ظهرت فيها بالأبيض كعروس تنظر إلى مرفأ بيروت، وعلقت عليها: «تغير المنظر اللي كنت شوفه من شرفة بيتي المطلة عليك يا مرفأ! كنت أوقف على الشرفة، وشوف بيروت الحلوة، شوف الأضوية والناس عم تتمشى مبسوطة».

وأضافت: «هلا صار المنظر جرح.. صرت شم ريحة وجع وصرخة كل شخص فقد غالي عقلبه بالانفجار لكل طفل ولكل شاب ولكل صبية ولإلك يا سحر.. لكم يا ملائكة بالسما بهدى وردة بيضا متل روحكم البريئة الي ما ذنبها!! المنظر اتغير يا بيروت.. بترجاكي ارجعيلنا يا حلوة اشتقنالك.. ببوس إيدَك يا لبنان قاوم جبروتهم وقسوتهم ما تروح مطرح ما بدن ياخدوك.. دخيلك يا وطنّا ما إلنا غيرك.. يا سندنا ويا ضهرنا المكسور نحنا حدّك مارح نتركك لترجع توقف عإجريك، وقلّها لبيروت اللي راقدة بالعناية الفائقة نحنا واقفين برّا بس بيقولولنا الزيارة ممنوعة ما عم بيخلونا نفوت نطمن عليها!».

كما شاركت الفنانة اللبنانية نانسي عجرم الجمهور مقطع فيديو، عبر صفحتها الخاصّة على موقع التواصل الاجتماعي من أغنيتها «إلى بيروت الأنثى» بمناسبة الذكرى الأولى لانفجار مرفأ بيروت، وعلّقت: «إلى بيروت الأنثى.. لن ننسى.. سنعود».

الأغنية مأخوذة عن قصيدة الشاعر نزار قباني «إلى بيروت الأنثى مع حبي»، والتي قدمها قبل 39 عاماً وتحديداً سنة 1981، وهي من ألحان هشام بولس، توزيع باسم رزق، وطرحتها نانسي منذ سنة عبر عدد من التطبيقات الموسيقية.